اعزائي ،، مجرد رأي !! بقلم د / يسري الشرقاوي مستشار الاستثمار الدولي وخبير التنمية الاقتصادية رئيس مجلس ادارة مجموعة ( HOC)

اعزائي ،، مجرد رأي !! د / يسري الشرقاوي
مستشار الاستثمار الدولي وخبير التنمية الاقتصادية
رئيس مجلس ادارة مجموعة ( HOC)

أعزائي ،، مجرد رأي !!
نصيحة لمن يريد النصح!!
النداء الاخير!!
السوق العقاري .. والاصلاح الاقتصادي
الفترة الجايه هتكون موسم للمبيعات فبيسخنوا ،، دايما الصيف يتميز بوجود خلايجه وعودة المصريين ، والخروج من معمعة الدروس الخصوصية ،، دا الموسم السنوي ،، ودا حقيقي لكن الاوضاع الاقتصادية الحالية هتصدمهم لان المواطن اصبح عاوز يعيش صح مع اولاده وهيبحث عن بدائل بعيدا عن الشطحات اللي البلد كانت واخدانا فيها وطبعا خد عندك اساليب التسويق اللي تعبر عن الركود بشكل غير مباشر دون ان يدروا ،، اللي تروح يقولك كله اتحجز ف المرحلة دي وهو مابعش ولا وحده طيب ياباشا بتبيع ع ١١ سنه وعشر سنوات سداد ليه لما انت مراحلك بتتحجز في يوم كده !!! واللي بيصورلك الناس طوابير عيش ويحرق نفسه ف السوشيال ميديا ولا يقولك تعالي شريك ،،واشتري وهاجرلك وابيعلك واديرلك ،،، واللي هيقولك تايم شير وهتلاقيه طبعا اساءة بشعة ،،، ويستثني من هذا كله ٣- ٤ نماذج من الكبار المخضرمون الصادقون ،، لكنهم يعانون بدرجات طفيفه قادرون ع امتصاص الصدمة حتي الان.
وباستثناء ايضاً …بعض المشروعات التابعه لشركة سيتي ايدج وشركات وشراكات هيئة المجتمعات هتبيع لان تكلفة الارض متدنية ( حاجة ببلاش كده )، وعاوزين يكسبوا وياخدوا السوق من ناس سعرانه ( دا منظورهم كما اتوقع ) فهيكونوا معقولين طبعا في اسعارهم داخل القاهرة الكبري وال١٤ مدينه جديدة ،،، طبعا كلامي دا ما ينطبقش على الابراج الفخمه بتاعة مدينة العلمين الجديدة اللي عاوزين ينفخوا،، المستثمرين الافراد في اسعار الوحدات فيها،،، بالطبع علشان تعوض نسبة ربحهم المعقوله في المشاريع الاخري زي العاصمة الادارية الجديدة او اي مكان آخر من ال١٤ مجتمع عمراني جديد.
كل هولاء الذين يعملون في هذا الحقل وهذا السوق ،،يدبرون ويخططون ويلهثون و يكافحون وهذا حقهم المشروع جداً ولكن الزبون قالهم جميعاً ،،،،كان فيه وخلص ال١٥ الف جنيه شهريا ما يعيشوش اسرة من ٣ افراد ،،، والعشرون الف جنيه شهريا يادوب علي ٤ افراد مع فواتير الكهرباء ومحدش هيضاعف الرواتب ،، لان لسه الاقتصاد بينموا …والناس هتغير الانمطه الاستهلاكيه بارادتها وهذا صحي جدا،، وهتنشف وهتجف ودا في بعض الاحيان بياسس لاسواق قادمه يتم السيطرة فيها على الكاش والاقتصاد غير الرسمي ،،والاتجاهات الاستثمارية هتتغير لان معدلات العوائد الاستثمارية لازم تتغير والا ما يبقاش اصلاح اقتصادي حقيقي،،،، وعلي كل من سولت له نفسه الدخول ف حلبة صراع الاستثمار العقاري من اول نجار المسلح ومقاول الانفار اللي بيبني وحدتين وعمارة وخد حبوب الشجاعه كلها ودخل الحلبة لا اما يعمل عجين الفلاحة لا اما يلف ويخرج بجلدة بسرعة ،،، والاخت والاخ اللي مشي يجمع مليون من دا ومليونين من دا وعمل نفسه مطور عقاري وشيخ مشايخ الطرق الصوفية ولسه مكبرش عاوز اقوله مش زمنك ،، والرقص والقبض زي حظ العوالم خلص ،، يستثني ايضا من ذلك المقاول اللي هيبني كم عمارة قديمه وازال وبني طالع بعشرين وحده ف حي سكني قديم بيبيع باسعار ف متناول الطبقه المتوسطه وفترة سداد معقوله وبيلتهم الكام طلب الموجود ف المنطقه ويحقق ربح ع الريحة،،
اعزائي:
الاصلاح الاقتصادي الامثل والهيكلي اللي كتير مش مركزين ف ابعاده هيحط النقط على الحروف ،،،،،، طبعا بالبلدي كده يالا يابابا ويالا منك له ولها ،، لا اما ترجعوا فلوس الناس بتاعة المحافظ الصغيرة اللي صرفتوهامن مكسب اي عمارتين ف بدايتكم ع المنظرة لا اما الناس هتاكلكم ،،
أما الكبار والشهبندرات اللي انا باحترمهم جدا في سوق التطوير عليهم ان يضعوا في اعتباراتهم البحث علي البدء فورا في تخصيص جزء من استثماراتهم ومدخراتهم تدريجيا في مشاريع انتاجية وخدمية وتصديرية ويقبلوا فيها نسب ربح معقوله ويخرجوا بنسبه ٥٠٪؜ تدريجيا الي مجالات استثمارية متعددة خلال ال٥ سنوات القادمة ،،
فلدينا ١٢ مليون وحدة سكنية غير مستغلة ،،، الموضوع محتاج ناس بتفهم مش بتكابر ،، يا بهوات ياولاد الاكابر .
هذا هو الجزء الاول
انتظروني في الجزء الثاني لهذا المقال سوف اشرح الحلول والبدائل والمطلوب من تدابير عاجلة تتخذها الدوله للتحول تدريجيا الي الاستثمار الانتاجي والخدمي والمتنوع مع توطين التنمية محليا بعيدا عن المركزية